Clive Christian

Clive Christian İngiltərədə yerləşən unikal lüks markadır. O, özündə 100 ildən artıq yaşı olan bir neçə şirkəti birləşdirir və özünün möhtəşəm, dəbdəbəli məhsulları ilə fərqlənir. Marka dünyada ən bahalı ətirlərin yaradılması ilə yanaşı, Böyük Britaniyanın ən yaxşı klassik ənənələri ilə yaradılmış eksklüziv mebel, elit çini məmulatlarının, interyer əşyalarının hazırlanması ilə də məşğul olur.

Brendin çox maraqlı tarixi vardır. Londonda qəsr alan Christian, qəsrdə qədim, antik ətir şüşəsi tapır. Sözügedən ətir, “Crown” adlanır. “Crown” markasının məhsullarını, keyfiyyət göstəricisi olaraq İngilis kralıçası təqdir etdiyinə görə, qablaşdırmada tac simvolu yer alır. Ətirdən təsirlənən Clive, 2000-ci ildə öz rəhbərliyi altında şirkəti yenidən təsis etməyi qərara alır.

Hazırda bu ətirlər dünyanın ən dəyərli və ecazkar ətirləri sırasında yer alır. Qablaşdırmasında xüsusi qiymətli daş-qaşlardan istifadə olunan parfüm, ən bahalı ətir kimi Ginnesin rekordlar kitabında yer alır.